ಮನೆಯ ಅಡುಗೆಮನೆಯಲ್ಲಿ ಗ್ಯಾಸ್ ಸಿಲಿಂಡರ್ ಖಾಲಿಯಾಗುವ ಸಂದರ್ಭ ಯಾರಿಗಾದರೂ ಎದುರಾಗಬಹುದು. ವಿಶೇಷವಾಗಿ ಅಡುಗೆ ಮಾಡುವ ಸಮಯದಲ್ಲಿ ಗ್ಯಾಸ್ ಮುಗಿದರೆ ಅದು ದೊಡ್ಡ ಸಮಸ್ಯೆಯಾಗಿ ಪರಿಣಮಿಸುತ್ತದೆ. ಇಂತಹ ಸಂದರ್ಭಗಳಲ್ಲಿ ಬಹುತೇಕ ಜನರು ತಕ್ಷಣವೇ ತಮ್ಮ ಗ್ಯಾಸ್ ಏಜೆನ್ಸಿಗೆ ಕರೆ ಮಾಡಿ ಸಿಲಿಂಡರ್ ಬುಕ್ ಮಾಡಲು ಪ್ರಯತ್ನಿಸುತ್ತಾರೆ. ಆದರೆ ಹಲವಾರು ಬಾರಿ ಏಜೆನ್ಸಿಯ ಫೋನ್ ಲೈನ್ ಸದಾ ಬಿಜಿಯಾಗಿರುತ್ತದೆ ಅಥವಾ ಕೆಲವೊಮ್ಮೆ ಸ್ವಿಚ್ ಆಫ್ ಆಗಿರುತ್ತದೆ.
ಇತ್ತೀಚಿನ ದಿನಗಳಲ್ಲಿ ಕೆಲವು ಪ್ರದೇಶಗಳಲ್ಲಿ ಯುದ್ಧದ ಭೀತಿ ಅಥವಾ ಪೂರೈಕೆಯಲ್ಲಿ ವ್ಯತ್ಯಯ ಉಂಟಾಗಬಹುದು ಎಂಬ ವದಂತಿಗಳು ಹರಿದಾಡುತ್ತಿರುವುದರಿಂದ ಜನರು ಮುಂಚಿತವಾಗಿಯೇ ಗ್ಯಾಸ್ ಸಿಲಿಂಡರ್ ಬುಕ್ ಮಾಡಲು ಮುಗಿಬೀಳುತ್ತಿದ್ದಾರೆ. ಇದರ ಪರಿಣಾಮವಾಗಿ ಏಜೆನ್ಸಿಗಳ ಫೋನ್ ಲೈನ್ಗಳು ತುಂಬಾ ಬ್ಯುಸಿಯಾಗುತ್ತಿವೆ. ಕೆಲವರು ಗಂಟೆಗಳ ಕಾಲ ಪ್ರಯತ್ನಿಸಿದರೂ ಫೋನ್ ಸಂಪರ್ಕ ಸಿಗದೇ ಸಂಕಷ್ಟ ಅನುಭವಿಸುತ್ತಿದ್ದಾರೆ.
ಆದರೆ ಈಗ ಅಂತಹ ಸಮಸ್ಯೆಗಳ ಬಗ್ಗೆ ಚಿಂತಿಸುವ ಅಗತ್ಯವಿಲ್ಲ. ಡಿಜಿಟಲ್ ಸೇವೆಗಳು ವೇಗವಾಗಿ ಬೆಳೆಯುತ್ತಿರುವ ಈ ಕಾಲದಲ್ಲಿ ಗ್ಯಾಸ್ ಸಿಲಿಂಡರ್ ಬುಕ್ ಮಾಡಲು ಏಜೆನ್ಸಿಗೆ ಕರೆ ಮಾಡಬೇಕಾಗಿಲ್ಲ. ಮನೆ ಬಿಡದೇ, ಸಾಲಿನಲ್ಲಿ ನಿಲ್ಲದೇ ಕೇವಲ ನಿಮ್ಮ ಮೊಬೈಲ್ ಫೋನ್ ಮೂಲಕವೇ ಗ್ಯಾಸ್ ಸಿಲಿಂಡರ್ ಬುಕ್ ಮಾಡಬಹುದು.
ಇದಕ್ಕಾಗಿ ಹಲವು ಸರಳ ಮತ್ತು ವೇಗವಾದ ವಿಧಾನಗಳು ಲಭ್ಯವಿವೆ. ಅವುಗಳಲ್ಲಿ ಮುಖ್ಯವಾದ ನಾಲ್ಕು ವಿಧಾನಗಳನ್ನು ಇಲ್ಲಿ ವಿವರವಾಗಿ ತಿಳಿದುಕೊಳ್ಳೋಣ.
🔸 ವಾಟ್ಸಾಪ್ ಮೂಲಕ ಗ್ಯಾಸ್ ಬುಕ್ ಮಾಡುವ ವಿಧಾನ
ಇಂದಿನ ದಿನಗಳಲ್ಲಿ ಬಹುತೇಕ ಜನರು ವಾಟ್ಸಾಪ್ ಬಳಸುತ್ತಾರೆ. ಇದೇ ವಾಟ್ಸಾಪ್ ಮೂಲಕ ಈಗ ಗ್ಯಾಸ್ ಸಿಲಿಂಡರ್ ಬುಕ್ ಮಾಡುವ ಸೌಲಭ್ಯವೂ ಲಭ್ಯವಾಗಿದೆ. ಈ ವಿಧಾನ ಅತ್ಯಂತ ಸುಲಭವಾಗಿದ್ದು, ಕೆಲವೇ ಕ್ಷಣಗಳಲ್ಲಿ ಬುಕ್ಕಿಂಗ್ ಪ್ರಕ್ರಿಯೆ ಪೂರ್ಣಗೊಳ್ಳುತ್ತದೆ.
ಮೊದಲು ನಿಮ್ಮ ಗ್ಯಾಸ್ ಕಂಪನಿಯ ಅಧಿಕೃತ ವಾಟ್ಸಾಪ್ ನಂಬರ್ ಅನ್ನು ನಿಮ್ಮ ಮೊಬೈಲ್ನಲ್ಲಿ ಸೇವ್ ಮಾಡಬೇಕು. ನಂತರ ವಾಟ್ಸಾಪ್ನಲ್ಲಿ ಆ ನಂಬರ್ಗೆ “Hi”, “REFILL” ಅಥವಾ “BOOK” ಎಂಬ ಸರಳ ಮೆಸೇಜ್ ಕಳುಹಿಸಿದರೆ ಸಾಕು. ನಂತರ ಕೆಲವು ಸೂಚನೆಗಳು ಬರುತ್ತವೆ. ಅವನ್ನು ಅನುಸರಿಸಿದರೆ ನಿಮ್ಮ ಗ್ಯಾಸ್ ಸಿಲಿಂಡರ್ ಬುಕ್ಕಿಂಗ್ ಯಶಸ್ವಿಯಾಗಿ ಆಗುತ್ತದೆ.
ವಾಟ್ಸಾಪ್ ಮೂಲಕ ಬುಕ್ ಮಾಡಲು ನಂಬರ್ಗಳು:
-
Indane Gas: 7588888824 – ‘REFILL’ ಎಂದು ಕಳುಹಿಸಿ
-
HP Gas: 9222201122 – ‘Hi’ ಎಂದು ಕಳುಹಿಸಿ
-
Bharat Gas: 1800224344 – ‘Book’ ಎಂದು ಕಳುಹಿಸಿ
ಈ ವಿಧಾನ ಬಳಸಿ ನೀವು ಕೇವಲ ಎರಡು ನಿಮಿಷಗಳಲ್ಲಿ ಸಿಲಿಂಡರ್ ಬುಕ್ ಮಾಡಬಹುದು.
